रास्वपासँग सोच मिलेपछि राजनीतिमा आएँ : अनिल शाह

काठमाडौं । पूर्व बैंकर अनिल केशरी शाह राष्ट्रिय स्वतन्त्र पार्टीमा प्रवेश गरेका छन् ।

बिहिबार रास्वपाको स्थापनाको एक वर्षको अवसरमा पार्टी प्रवेश गर्दै शाहले नेपालीमा नेतृत्व विकासका लागि सीप प्रयोग गर्न आफू राष्ट्रिय स्वतन्त्र पार्टीमा प्रवेश गरेको बताएका छन् ।

उनले रास्वपा र आफ्नो सोच मिलेको पनि बताएका छन् । ‘बैङ्किङ करिअर छाडेपछि मैले नेतृत्व विकासको तालिम दिइरहेको थिएँ’, उनले भने, ‘राष्ट्रिय स्वतन्त्र पार्टीसँग मेरो लामो बहस भयो। बहसपछि मलाई लाग्यो, उहाँहरूको सोच र मेरो सोच ठ्याक्कै मिल्यो। सबै क्षेत्रमा नेतृत्वको विकास गराउने मेरो सीप यहाँ प्रयोग गर्न सक्छु भन्ने लागेको भएर आज यहाँ आएको छु । प्रवेश भनेको फिनिसिङ लाइन होइन, सुरुवात मात्र हो ।’ उनले भनेका छन् ।

शाहलाई रास्वपा प्रशिक्षण विभाग प्रमुखको जिम्मेवारी दिइएको छ ।