प्रधानमन्त्रीद्वारा ग्याल्पो ल्होसारको शुभकामना

काठमाडौं । प्रधानमन्त्री केपी शर्मा ओलीले ग्याल्पो ल्होसारको शुभकामना व्यक्त गरेका छन् । सामाजिक सञ्जाल फेसबुकबाट उनले यो पर्व मनाउने  सबैमा हार्दिक शुभकामना व्यक्त गरेका हुन् ।

‘आज ग्याल्पो ल्होछार, नेपालको उच्च पहाडी क्षेत्रमा बसोबास गर्ने शेर्पा समुदायको मुख्य पर्व, तिब्बत, सिक्किम र भुटानमा बसोबास गर्ने भोटे समुदाय समेतले ग्याल्पो ल्होछार मनाउँछन् । ग्याल्पो ल्होसारको अवसरमा सबैलाई शुभकामना ! सबैको जय होस् ‘, पृष्ठभूमिमा हिमाल पारेर शेर्पा समुदायको परम्परागत पोसाक लगाएका एक महिला र पुरुषको तस्बिर फेसबुकमा पोस्ट गर्दै प्रधानमन्त्रीले लेखेका छन् । तस्बिरमा ‘ह्याप्पी ल्होसार’ पनि लेखेका छन् ।