सुनको मूल्यमा नयाँ रेकर्ड, तोलामा २ हजार ९ सयले बढ्यो

काठमाडौं । नेपाली बजारमा सुनको भाउ प्रतितोला २ लाख २१ हजार ७ सय रुपैयाँ पुगेको छ ।

नेपाल सुनचाँदी व्यवसायी महासंघका अनुसार मंगलबारका लागि सुनको मूल्य प्रतितोला २ लाख २१ हजार ७ सय रुपैयाँ तोकिएको हो, जुन हालसम्मकै उच्च मूल्य हो ।

अघिल्लो दिनको तुलनामा सुन प्रतितोला ३ हजार ९ सय रुपैयाँले बढेको छ । अघिल्लो दिन यसको मूल्य २ लाख १७ हजार ८ सय रुपैयाँ थियो । 

यसैगरी, अघिल्लो दिन प्रतितोला २ हजार ६५० रुपैयाँ रहेको चाँदी मंगलबार २ हजार ६८० रुपैयाँ पुगेको छ । चाँदीको मूल्य पनि हालसम्मकै उच्च बिन्दुमा पुगेको महासंघले जनाएको छ ।