उपत्यकामा जेनजी आन्दोलनकाे दोस्रो दिन : देउवा निवासतर्फ लागेका प्रदर्शनकारीलाई प्रहरीले बीचमै रोक्यो

काठमाडौं । जेनजी पुस्ताको आन्दोलन दोस्रो दिन पनि उपत्यकामा उग्र बनेको छ । सोमबार बिहानैदेखि प्रदर्शनकारीको भिड राजधानीका विभिन्न ठाउँमा देखिएको छ ।

कांग्रेस सभापति एवं पूर्वप्रधानमन्त्री शेरबहादुर देउवाको बूढानीलकण्ठस्थित निवासतर्फ केही प्रदर्शनकारी अघि बढेपछि प्रहरीले कृष्णपाटी चोकमै रोकेको छ । प्रदर्शनकारीको संख्या बढ्दै गए पनि प्रहरी संख्या भने तुलनात्मक रुपमा न्यून रहेको छ ।

यस्तै, प्रदर्शनकारीले सञ्चारमन्त्री पीएस गुरुङको सुनाकोठीस्थित निवासमा आगजनी गरेका छन् । साथै, प्रधानमन्त्री पुष्पकमल दाहाल ‘प्रचण्ड’को खुमलटारस्थित निवासमा पनि तोडफोड भइरहेको छ ।

सुरक्षा संवेदनशील बन्दै गएपछि प्रहरीले थप बल परिचालन गर्न तयारी थालेको छ ।