राष्ट्रपतिमा ११ दलको समर्थन रहने स्थिति भइसक्यो : कांग्रेस प्रवक्ता महत

काठमाडौं । नेपाली कांग्रेसका प्रवक्ता डा. प्रकाशशरण महतले राष्ट्रपतिमा गठबन्धनका उम्मेदवार रामचन्द्र पौडेललाई ११ दलको समर्थन रहने दाबी गरेका छन् ।

बिहीबार आठ दलले गरेको प्रशिक्षण कार्यक्रमपछि बोल्दै प्रवक्ता महतले सो कुरा बताएका हुन् ।

प्रधानमन्त्री पुष्पकमल दाहाल प्रचण्डले नै १० दलको समर्थन प्राप्त भइरहेको र अझै ११ दलको समर्थन रहनसक्ने दाबी गरे ।

‘प्रधानमन्त्री पुष्पकमल दाहाल प्रचण्डजीले भनिसक्नुभयो ८ दल मात्रै होइन १० दल भइसक्या छ अझ ११ दलको समर्थन पुग्ने भरपुर स्थिति छ ।’ प्रवक्ता महतले भने, ‘संघमा नभए पनि प्रदेश सदस्यहरुको भूमिका हुन्छ । त्यसअर्थमा दश दल अर्को अर्को केन्द्रमा रहेका महत्वपूर्ण दलको सहयोग हुने अपेक्षा गरेका छौं ।’

त्यसैगरी राष्ट्रपतिको उम्मेदवारमध्ये पौडेल नै अहिलेको अवस्थामा उपयुक्त पात्र भएको उनले बताए ।