शरीरमा आगो सल्किँदा एक महिलाको मृत्यु

ईलाम । जिल्लाको रोङ गाउँपालिका ३ मार्से कि ४८ वर्षीया मन माया राईको आगोले जलेर मृत्यु भएको छ ।

सोमवार दिउँसो ११ बजे उनी आफनै भान्सा कोठामा चिया लिन जाने क्रममा गाईको खोले पकाउने चुलोमा उनले लगाएको कटनको कपडामा आगो सल्किएको थियो ।

आगोले शरीरका विभिन्न भागका पोली घाईते उनको उपचारको लागि बिर्तासिटी अस्पताल बिर्तामोड झापा लगिएको थियो ।

बिर्तासिटी अस्पतालमा उपचार हुन नसकेपछि सवा ९ बजे नै थप उपचारको लागि मेचि अञ्चल अस्पताल भद्रपुरमा लगिएको तर उनको उपचारको क्रममा मृत्यु भएको जिल्ला प्रहरी कार्यालय ईलामले जनाएको छ ।