कोरोना पछिल्लो अपडेट : एकैदिन ३८०० बढीको मृत्यु, संक्रमितको संख्या उच्च

लोकपथ संवाददाता

२०७७,बैशाख,२,मंगलवार २२:२२

काठमाडौं । स्वास्थ्य क्षेत्रमा विश्वकै ठूलो चुनौति बनेको कोरोना भाइरसका कारण यो समाचार तयार पार्दासम्म विश्वमा १९ लाख ५५ हजार ४५९ जनालाई संक्रमण भएको छ ।

त्यस्तै १ लाख २३ हजार ४१८ जनाको ज्यान गएको छ भने ४ लाख ६२ हजार ५३७ जना उपचार पछि निको भएका छन् । विश्वमा अहिले ५० हजार ९८६जनाको अवस्था गम्भीर रहेको छ ।

२१० देशमा महामारीको रुप लिएर फैलिएको कोरोना भाइरसका कारण अमेरिकामा अहिले सम्म २४ हजार ६०० जनाले ज्यान गुमाएका छन् ।

त्यस्तै संक्रमितको संख्या ५ लाख ९१ हजार ६४ रहेको छ । आजमात्रै अमेरिकामा ४ हजार १२३ जना नयाँ संक्रमित पाईएका छन् भने, आजै ९६० जनाको ज्यान गएको छ ।

त्यस्तै स्पेनमा यो समाचार तयार पार्दासम्म १८ हजार ५६ जनाको ज्यान गएको छ । आजमात्रै स्पेनमा ३०० जनाले ज्यान गुमाएका छन् भने, २ हजार ४४२ जना नयाँ संक्रमित थपिएका छन् ।

योसँगै स्पेनमा जम्मा संक्रमितको संख्या १ लाख ७२ हजार ५४१ पुगेको छ । त्यस्तै इटालीमा अहिलेसम्म २१ हजार ६७ जनाले ज्यान गुमाएका छन् ।

आजमात्रै त्यहाँ ६०२ जनाले ज्यान गुमाउँदा आजै संक्रमितको संख्या २ हजार ९७२ थपिएको छ । त्यस्तै इटालीमा जम्मा संक्रमितको संख्या १ लाख ६२ हजार ४८८ पुगेको छ ।

त्यस्तै फ्रान्समा यो समाचार तयार पार्दासम्म १४ हजार ९६७ जनाले ज्यान गुमाएका छन् । त्यहाँ १ लाख ३६६ हजार ७७९ जनलाई कोरोना संक्रमण भएको छ ।

त्यस्तै जर्मनीमा १ लाख ३१ हजार १०० जनालाई अहिलेसम्म संक्रमण भएको छ । जर्मनीमा महामारीका कारण ३ हजार २६१ जनाले ज्यान गुमाएका छन् ।

आजमात्रै त्यहाँ १ हजार २८ नयाँ संक्रमित थपिँदा आजै नै ६७ जनाको मृत्यु भएको छ । त्यस्तै बेलायतमा अहिलेसम्म ९३ हजार ८७३ जनालाई संक्रमण भएको छ भने १२ हजार १०७ जनाको मृत्यु भएको छ ।

आज नै त्यहाँ ५ हजार २५२ जना नयाँ संक्रमित थपिएका छन् भने आज नै बेलायतमा ७७८ जनाको मृत्यु भएको हो । त्यस्तै चीनमा अहिलेसम्म ३ हजार ३४१ जनाको ज्यान गएको छ आजमात्रै त्यहाँ८९ जना नयाँ संक्रमित थपिएका छन् ।

त्यस्तै ईरानमा अहिलेसम्म ४ हजार ६८३ जनाको ज्यान गएको छ भने ७४ हजार ८७७ जनालाई कोरोनाको संक्रमण भएको छ ।

आजमात्रै त्यहाँ ९८ जनाले ज्यान गुमाएका छन् भने १५ सय ७४ जना नयाँ संक्रमित थपिएका छन् ।

त्यस्तै टर्कीमा अहिलेसम्म १ हजार २९६ जनाको ज्यान गएको छ त्यहाँ जम्मा संक्रमितको संख्या ६१ हजार ४९ रहेको छ ।

त्यस्तै बेल्जियममा आज मात्रै २५४ जनाले ज्यान गुमाएका छन् । योसँगै जम्मा मृतकको संख्या बेल्जियममा ४ हजार १५७ पुगेको छ । आजमात्रै त्यहाँ ५३० जना नयाँ संक्रमित पाइएका छन् भने जम्मा संक्रमितको संख्या ३१ हजार ११९ रहेको छ ।
त्यस्तै नेदरल्याण्ड्समा आजै १२२ जनाको ज्यान गएको छ । योसँगै त्यहाँ मृतकको संख्या २ हजार ९४५ पुगेको छ । त्यहाँ २७ हजार ४१९ संक्रमितहरु रहेका छन् भने आजैमात्र ८६८ जना नयाँ संक्रमित पाइएको छ ।

त्यस्तै स्विडेनमा पनि मृतकको संख्या १ हजार नाघेको छ । त्यहाँ अहिलेसम्म महामारीका कारण १ हजार ३३ जनाले ज्यान गुमाएका छन् । त्यहाँ आजमात्रै ११४ जनाको ज्यान गएको हो ।

स्विडेनमा अहिलेसम्म ११ हजार ४४५ जनालाई संक्रमण भएको छ । यो समाचार तयार पार्दासम्म विश्वमा आजमात्रै ३ हजार ८३२ जनाको ज्यान गएको छ भने आज नै ३१ हजार ६११ नयाँ केस थपिएका छन् ।

यसअघि प्रकाशित यो समाचार पढ्नुहोस् यसअघि प्रकाशित यो समाचार छुटाउनुभएको थियो भने आफूलाई पढ्न मन लागेको लिंकमा क्लिक गर्नुहोस् :

संयुक्त राष्ट्रसंघका १८९ जनालाई कोरोनाको संक्रमण, अहिलेसम्म ३ जनाको मृत्यु