गण्डकी । गण्डकी प्रदेश प्रमुख डिल्लीराज भट्टले औषधिजन्य तथा औद्योगिक प्रयोजनका लागि गाँजाखेतीलाई नियमन तथा उपयोग गर्ने सम्बन्धमा बनेको विधेयक पुनःविचारका लागि प्रदेशसभामा फिर्ता पठाएका छन् ।
प्रदेश प्रमुखको कार्यालयका प्रवक्ता प्रवीण पौडेलका अनुसार प्रदेश प्रमुख भट्टले शुक्रबार सन्देशसहित उक्त विधेयक पुनःविचारका लागि प्रदेशसभामा फिर्ता पठाएका हुन् ।
उक्त विधेयक गण्डकी प्रदेशसभाले गत असार २५ गते पारित गरेको थियो। त्यसपछि प्रमाणीकरणका लागि प्रदेशसभा सचिवालयले असार ३० गते प्रदेश प्रमुखको कार्यालयमा पठाएको थियो ।
प्रदेश प्रमुखले विधेयकमा पुनःविचार गर्नुपर्ने आवश्यकता औँल्याउँदै प्रदेशसभामा फिर्ता पठाएपछि अब प्रदेशसभाले विधेयकमाथि पुनः छलफल गरी आवश्यक निर्णय गर्नेछ ।
यो खबर पढेर तपाईलाई कस्तो महसुस भयो ?
प्रतिक्रिया