काठमाडौं । महोत्तरीको बर्दिबासमा हत्या गरिएकी ६ वर्षिया बालिकाको शव पोष्टमार्टमको लागि प्रादेशिक अस्पताल जनकपुर लगिएको छ ।
सोमवार हत्या गरि बोरामा पोको पारेर फालिएको अवस्थामा शव भेटिएसँगै स्थानीय विरोध प्रदर्शनमा उत्रिएका थिए ।
आक्रोशित स्थानीयले उनको शव सडकमा राखेर विरोध प्रदर्शन गरेका थिए । विरोध प्रदर्शनका कारण अवरुद्ध बनेको महोत्तरी बर्दिवास सडकखण्ड साढे १ बजे खुलेको थियो ।
प्रदर्शनका क्रममा एक प्रहरीसहित अन्य प्रदर्शनकारी घाइते भएका छन् । जिल्ला प्रहरी कार्यालय महोत्तरीका डीएसपी प्रकाश बिष्ट घाइते भएका हुन् । यसअघि प्रहरीले चलाएको गोली लागेर घाइते भएका सञ्जय न्यौपानेलाई काठमाडौं ल्याइँदे छ ।
साथै लाठी चार्जका क्रममा श्याम कार्की र एकजना अर्का प्रदर्शनकारी घाइते भएका छन् । उनीहरुको बर्दिबासस्थित पिनाकल अस्पतालमा उपचार भईरहेको छ ।
सोमवार राति बालिकाको शव बोरामा भेटिएसँगै आक्रोशित बनेका स्थानीयले हत्या आरोपमा पक्राउ परेका आरोपितको घरमा आगजनी गरेका छन् ।
बर्दिबास नगरपालिका वडा नम्बर १४ स्थित शुभम् बस्तीबाट ६ वर्षीय बालिका गुलाब साह खातुनको आइतवार साँझदेखि हराएकी थिइन् ।
उनको शव सोमवार मध्यरात हत्यापछि बोरामा फ्याकिएको अवस्थामा फेला परेको थियो ।
ती बालिकाको हत्याको आरोपमा किराना पसल सञ्चालन गर्दै आएका २५ वर्षीय अरुण कुमार शाहलाई पक्राउ गरेको छ । मदिराको नसामा घर पुगेका साहले आफूले बालिकाको हत्या गरेको बताएसँगै उनलाई पक्राउ गरेको थियो ।
ती बालिका चकलेट किन्न गएको र साहले उनको हत्या गरेको हुनसक्ने प्रारम्भिक अनुसन्धानबाट पत्ता लागेको प्रहरीले जनाएको छ ।
बालिकाको हत्या आरोपमा मंगलवार स्थानीयले बर्दिवासमा मंगलबार ९आज० बिहानैदेखि प्रदर्शन गरेका थिए । बालिकाको शव भेटिएपछि आक्रोशित स्थानीयले पूर्वपश्चिम राजमार्गमा टायर बालेर अवरोध गरेका छन् । भने उनीहरुले पक्राउ परेका साहको घरमा आगजनी तथा तोडफोड समेत गरेको प्रहरीले जनाएको छ ।
प्रहरीका अनुसार साहलाई पक्राउ गरि हत्या सम्बन्धमा थप अनुसन्धान भइरहेको छ ।
आरोपित यसअघि पनि हत्या आरोपमा पक्राउ परेर छुटेको बुझिएको छ ।
यो पनि पढ्नुहोस् :
महोत्तरीमा ६ वर्षीया बालिकाको शंकास्पद हत्या, चकलेट किन्न गएकी थिइन् !
महोत्तरीमा बालिका हत्या अपडेट स् शव सडकमा राखेर प्रदर्शन, आरोपितको घरमा आगो !
खातुनको बलात्कारपछि हत्याको आशंका, आरोपितले घरमा गएर स्वीकारेका थिए अपराध
बर्दिवासमा हवाई फायर, स्थिती तनावग्रस्त
फोटोमा हेर्नुहोस् तनावग्रस्त बर्दिवास, आरोपिको घरमा आगो !
थप तनावग्रस्त बन्दै बर्दिबास, हवाइ फायरपछि प्रहरीले चलायो गोली
प्रहरीले बल प्रयोग गरेर खुलायो महोत्तरी बर्दिवास सडकखण्ड
बर्दिबास बालिका हत्या प्रकरण : प्रहरीको गोलीबाट घाइते सञ्जयलाई काठमाडौं ल्याइँदै
बर्दिबास बालिका हत्या प्रकरण : डीएसपी बिष्ट घाइते
यो खबर पढेर तपाईलाई कस्तो महसुस भयो ?
प्रतिक्रिया