पशुपतिमा कहाँबाट आउँछन् बाबाहरु ? भिन्नभिन्न बाबाका छुट्टाछुट्टै ताल

लोकपथ संवाददाता

२०७६,फाल्गुन,९,शुक्रवार १३:३९

काठमाडौं । आज हिन्दूहरुको महान चाड शिवरात्री । महाशिवरात्रिका अवसरमा काठमाडौंस्थित पशुपतिनाथ मन्दिरमा लाखौँ मानिसहरूको भिड लाग्छ।

हिन्दूहरूका प्रमुख देवता महादेवको जन्मदिनका रूपमा मनाइने यो पर्वमा नेपालका विभिन्न स्थान र भारतबाट साधुसन्तहरू आउँने गरेका छन् ।

यो पर्वमा विशेषत: नागा, नाथ, वैरागी, अघोरी र निरङ्कारी सम्प्रदायका साधुहरू आउने पशुपति क्षेत्र विकास कोषले जनाएको छ । यसपालि ५,००० भन्दा बढी साधुसन्तहरू आएको अनुमान छ । उनीहरूलाई पशुपतिक्षेत्रमै बसोबासको व्यवस्था मिलाइएको छ ।

गाँजाभाङ खाए प्रहरी खोरमा

हरेक वर्षजस्तै यस वर्ष पनि पशुपतिलाई गाँजा निषेधित क्षेत्र घोषित गरिएको छ । मेलामा मासु, मदिरा र गाँजा निषेध गरिएको छ । ‘पशुपति क्षेत्र कानुनद्वारा नै मांस, मदिरा तथा कुनै पनि प्रकारका नशालुपदार्थ निषेधित क्षेत्र भएकाले महाशिवरात्रि पर्व समेतमा गाँजा-भाङ, जाँड-रक्सी जस्ता नशालु पदार्थहरुको बिक्रीवितरण, ओसारपसार, भण्डारण एवं प्रयोग वा सेवन नगर्न सबैलाई अनुरोध गरिएको छ ।

सावधान प्लाष्टिकको प्रयोग नगर्नुहोला !

पूजा गर्न जाँदा प्लाष्टिक ब्याग नबोक्नु होला वा, प्लाष्टिक निर्मित सामाग्रीको प्रयोग नगर्नुहोला । किनकी पशुपति क्षेत्र विकास कोषले पशुपति परिसरलाई प्लाष्टिक निषेधित क्षेत्र घोषणा गरेको छ । साथै मेला क्षेत्रमा सेवा प्रदान गर्ने सबै संस्थाहरुलाई कोषले भोजन, पानी, चिया वितरण गर्दा प्लाष्टिकका कप प्रयोग नगर्न अनुरोध गरेको छ ।