हेलिकोप्टर तयारी अवस्थामा राख्न गृह मन्त्रालयको आग्रह

काठमाडौं । नेपाल सरकार, गृह मन्त्रालयले निजी हेलिकप्टरहरूलाई तत्काल प्रयोगका लागि तयारी अवस्थामा राख्न आग्रह गरेको छ ।

अत्यधिक वर्षा र सम्भावित विपद् जोखिमको पूर्वानुमानका कारण वायु सेवा सञ्चालक संघलाई निजी हेलिकप्टरलाई तत्काल प्रयोगको लागि तयार राख्न आग्रह गरेको हो ।  

मन्त्रालयले जारी गरेको पत्र अनुसार, २० गतेसम्म कोशी प्रदेशदेखि लुम्बिनी प्रदेशसम्म भारी वर्षा हुन सक्ने अनुमान छ। यसले बाढी, पहिरो, डुबान लगायतका जोखिम बढाउने भएकाले खोज तथा उद्धार, राहत, स्थानान्तरण र पुनर्स्थापना कार्यमा तत्काल हेलिकप्टर आवश्यक हुन सक्ने उल्लेख गरिएको छ।

पत्रमा राष्ट्रिय विपद् जोखिम न्यूनीकरण तथा व्यवस्थापन प्राधिकरणसँगको सहकार्यमा निजी हेलिकप्टरलाई ‘Standby’ अवस्थामा राख्न आग्रह गरिएको छ।