काठमाडौं । नेपाली कांग्रेसको १५ औँ महाधिवेशन अन्तर्गत सहमहामन्त्री खुलामा रामहरि खतिवडा र अजयबाबु शिवाकोटीको अग्रता कायमै रहेको छ ।
खुलामा नौँ जनाबीच प्रतिस्पर्धा भइरहँदा दुई जना निर्वाचित हुनेछन् । जसमा रामहरि खतिवडा र अजयबाबु शिवाकोटीको अग्रता कायमै रहेको हो ।
दुई हजार ४९१ मत गणना गर्दा खतिवडाले एक हजार १२५ मत पाएका छन् भने दोस्रो स्थानका शिवाकोटीले ८०६ मत ल्याएका छन् ।
तेस्रो स्थानका डिल्लीराम सुवेदीले ६१० मत ल्याएका छन् । चौथो स्थानका देवेन्द्रराज कडेलले ५२४ मत ल्याएका छन् ।
पाँचौँ स्थानका विकास कोइरालाले ४१५ मत पाएका छन् । छैटौँ स्थानका राजीव ढुंगानाले ३७४ मत पाएका छन् ।
सातौँ स्थानका रमेशप्रसाद धमलाले २९३ मत पाएका छन् । आठौँ स्थानका अमृतकुमार अर्यालले २७२ मत पाएका छन् । पुछारमा रहेका विमलराज क्षेत्रीले ९९ मत पाएका छन् ।
महिला सहमहामन्त्रीतर्फ दुई हजार ४९० मत गणना हुँदा प्रतिमा गौतमले एक हजार ६७८ तथा नानू बास्तोलाले ४७९ मत पाएकी छिन् ।
यो खबर पढेर तपाईलाई कस्तो महसुस भयो ?
प्रतिक्रिया