काठमाडौं । काठमाडौंमा सेना परिचालनको तयारी गरिएको छ । प्रदर्शन हिंसात्मक बन्दै गएपछि सेना परिचालन गर्न लागिएको हो ।
अहिले नेपाली सेना, नेपाल प्रहरी, सशस्त्र प्रहरी र राष्ट्रिय अनुसन्धानका चारै तहका सुरक्षा प्रमुखहरू एकै स्थानमा बसेर सुरक्षा योजना बनाइरहेका छन् ।
सार्वजनिक सम्पत्तिको रक्षा गर्न र थप क्षति रोक्न अल्पकालीन रूपमा सेना परिचालन गर्न लागिएको हो ।
सेना परिचालनका लागि राष्ट्रपति कार्यालयबाट कुनै औपचारिक पत्र गएको वा नगएको सम्बन्धमा बुझिएको छैन । यद्यपि सेनाले स्थिति नियन्त्रणमा लिन लागेको बुझिएको छ ।
काठमाडौंमा सेना परिचालन गर्नका लागि अहिले विभिन्न स्थानबाट काठमाडौंमा ठूलो सङ्ख्यामा सेना ल्याइँदै गरिएको बुझिएको छ ।
धादिङको बैरेनी तथा गजुरी ब्यारेक, काभ्रेको पाँचखाल ब्यारेक आदि स्थानबाट ठूलो सङ्ख्यामा नेपाली सेनालाई काठमाडौंमा उतारिएको छ ।
नेपाली सेनाले केही समयमै विज्ञप्ति जारी गरेर शान्ति सुव्यवस्था कायम गर्न सुरक्षाको जिम्मेवारी लिएको जानकारी गराउने तयारी रहेको बुझिएको छ ।
यो खबर पढेर तपाईलाई कस्तो महसुस भयो ?
प्रतिक्रिया