लाइसेन्स अनलाइन आवेदन आज साँझबाट खुल्ने, हालसम्मका आवेदन भने रद्द हुने

काठमाडौं । यातायात व्यवस्था विभागले आज साँझदेखि सवारी लाइसेन्स अनलाइन आवेदन खुलाउने भएको छ ।

विभागले (सोमबार) बेलुकी ६ बजेदेखि नयाँ प्रणालीसहित लाइसेन्स अनलाइन आवेदन खुलाउने भएको हो ।

सवारीचालक अनुमतिपत्रका लागि हालसम्म परेका अनलाइन आवेदनहरु आजदेखि रद्द गरी नयाँ लाइसेन्स आवेदन प्रणाली सुरु गरिने विभागले जनाएको छ । आवेदन फारम भर्नका लागि applydi.dotm.gov.np मा लागइन गरी त्यहाँ दिएको विवरण भर्नुपर्नेछ ।

त्यस्तै, वर्ग थपको लागि भने अर्को हप्ता सोमबारबाट खुला गरिने विभागले जनाएको छ ।