ब्युटी पेजेन्टको नाममा बलात्कार प्रकरण : प्रहरीले बनायो छानबिन समिति

काठमाडौं । प्रहरीले ब्युटी पेजेन्टको नाममा भएको भनिएको बलात्कार प्रकरणमा छानबिन गर्न एक समिति गठन गरेको छ ।

केही दिनदेखि विभिन्न सामाजिक सञ्जालमा महिला हिंसा सम्बन्धमा प्रकाशित भिडियोबारे गृह मन्त्रालयले आफ्नो ध्यानाकर्षण जनाउँदै छानबिन समिति गर्न प्रहरीलाई निर्देशन दिएको थियो । सो उपर भिडियोबारे अनुसन्धान गरि आवश्यक कारबाही गर्न गृहमन्त्री बालकृष्ण खाणको निर्देशनमा प्रहरी प्रधान कार्यालयले पाँच सदस्यीय समिति बनाएको हो ।

प्रहरी वरिष्ठ उपरीक्षक वसन्त कुँवरको नेतृत्वको समितिमा प्रहरी उपरीक्षक कृष्ण कोइराला, प्रहरी नायब उपरीक्षक कोपिला चुडाल, प्रहरी नायब उपरीक्षक हरि बस्नेत र प्रहरी निरीक्षक सपना खड्का रहेका छन् । समितिले शुक्रबारबाटै काम सुरु गरेको प्रधान कार्यालयले जनाएको छ ।