विभागले भन्यो– देशभर मौसममा क्रमिक सुधार हुँदैछ

काठमाडौं । देशभरको मौसम क्रमिक रूपमा सुधार हुँदै गएको छ । जल तथा मौसम विज्ञान विभागका अनुसार हाल कोसी, बागमती र मधेस प्रदेशमा सामान्यतया बादल लागेको छ भने अन्य प्रदेशमा आंशिक बदली रहेको छ ।

विभागले शनिबार दिउँसो सार्वजनिक गरेको मौसम विवरणअनुसार देशभर मौसममा सुधार भइरहेको छ ।

पछिल्लो २४ घण्टामा देशका केही स्थानमा भारी वर्षा भएको छ । वर्षाका कारण खोलानदीमा पानीको बहाव उल्लेख्य रूपमा बढेको विभागले जनाएको छ ।

भारी वर्षापछि नदी तथा खोलामा पानीको बहाव बढेकाले आसपासका क्षेत्रमा बसोबास गर्ने बासिन्दालाई सतर्क रहन आग्रह गरिएको छ ।