आजको मौसमः देशभर बदली, कताकती वर्षा

शनिबार दिउँसो सुदुरपश्चिम, कर्णाली, लुम्बिनी र गण्डकी प्रदेशका भूभागहरू सामान्य बदली रही बाँकी प्रदेशका भूभागहरू आंशिकदेखि सामान्य बदली रहने जल तथा मौसम पूर्वानुमान महाशाखाले जनाएको छ । महाशाखाका अनुसार सुदुरपश्चिम, कर्णाली, लुम्बिनी र गण्डकी प्रदेशका एक दुई स्थानमा हल्का बर्षाको सम्भावना छ । यस्तै देशका उच्च पहाडी तथा हिमाली भूभागका थोरै स्थानहरुमा हल्का देखि मध्यम हिमपातको सम्भावान रहेको छ ।

यसैगरी राति सुदुरपश्चिम, कर्णाली, लुम्बिनी र गण्डकी प्रदेशका भूभागहरू सामान्य बदली रही बाँकी प्रदेशका भूभागहरू आंशिक देखी सामान्य बदली रहने छ। कर्णाली र गण्डकी प्रदेशका केही स्थानमा हल्का बर्षाको सम्भावना पनि छ ।

अरब सागरमा बनेको निम्न चापीय क्षेत्रको आंशिक प्रभाव केही दिनयता नेपालमा जारी रहेको हो ।