बलिउडका सर्वाधिक कमाउने कलाकारको सूचीमा परेका शाहरुखको कति छ सम्पत्ति ?

काठमाडौं । दिल्लीको एक साधारण केटा आज बलिउडको बादशाह बनेको छ । यो कुनै फिल्मको कथा होइन, यो वास्तविक हो र त्यो केटा अरु कोही नभई बलिउडका बादशाह शाहरुख खान हुन् ।

बलिउडमा राज गर्ने शाहरुख खान मानिसको मनमा मात्रै होइन चर्चामा पनि रहने गरेका छन् । किंग खानका फ्यानहरू उनको घर अगाडी घण्टौसम्म उभिएर बस्छन् । आज उनी बलिउडमा सबैभन्दा धेरै कमाउने कलाकारको सूचीमा परेका छन् । बलिउड मात्रै होइन हलिउडका टम क्रुज, टम ह्याङ्क्स र एडम स्यान्डलर जस्ता कलाकारले पनि कमाइको मामिलामा सबै कलाकारलाई पछि पारेका छन् । यससँगै उनी आईपीएल टोली कोलकत्ता नाइट राइडर्सका मालिक पनि हुन्।

आज शाहरुखको ५६ औं जन्मदिन हो । उनका फ्यानहरुले उनलाई आज जन्मदिनको बधाइ दिइरहेका छन् ।

बलिउडमा सबैभन्दा धेरै कमाउने कलाकारको सूचीमा परेका शाहरुखसँग कति छ सम्पत्ति ?

शाहरुख खानको सम्पूर्ण करियरको नेटवर्थ ५१०० करोड रुपैयाँ छ। एक रिपोर्टका अनुसार शाहरुखले हरेक महिना कम्तीमा १२ करोड कमाउँछन् । जबकि उनको वर्षभरको आम्दानी २४० करोडभन्दा बढी छ ।

रिपोर्टका अनुसार शाहरुखले प्रत्येक फिल्मबाट ४०-५० करोड कमाउँछन् भने विज्ञापनको सुटिङका ​​लागि २२ करोड भारु लिने गर्छन् ।

शाहरुखको घर

शाहरुखको घर ‘मन्नत’ आफ्नो सुन्दरताका कारण विश्वभर चिनिन्छ । शाहरुखका फ्यानहरु पनि उनको घरबाहिर आएर फोटो खिच्न बिर्सदैनन् । शाहरुखको यो घरको मूल्य करिब २०० करोड रहेको छ । शाहरुखको दिल्लीमा पनि घर छ । यसबाहेक शाहरुखले दुबईमा एउटा भिला पनि किनेका छन् । यो विलामा ट शयनकक्षहरू छन्।

शाहरुख खानलाई गाडी निकै मन पर्छ । शाहरुखसँग ‘Bugatti Veyron’, ‘BMW 6 Series’, ‘Mitsubishi Pajero’,’BMW 7 Series कार’, ‘Audi A6’, ल्यान्ड क्रुजर, ‘Rolls Royce’,’Drop Hate Coupe’ जस्ता लक्जरी गाडीहरू छन्।