काठमाडौं । बलिउडकी चर्चित र उत्कृष्ट अभिनेत्री दीपिका पादुकोणले अर्को ठूलो उपलब्धि हासिल गरेकी छिन्।
अभिनेत्री दीपिकाले अन्तर्राष्ट्रिय प्लेटफर्मद्वारा बलिउडमा सर्वश्रेष्ठ अभिनेत्रीको लागि ग्लोबल अचीवर्स पुरस्कार २०२१ जितेको छिन् । दीपिका यो पुरस्कार जित्ने भारतीय फिल्म उद्योगमा एक मात्र कलाकार हुन् । उनी भन्दा पहिले आजसम्म कुनै भारतीय कलाकार यो पुरस्कार जितेका छैनन्।
दीपिका सबैभन्दा राम्रो अभिनेत्रीमध्ये एक हुन् जसको फ्यान फलोइङ संसारभर रहेको छ। यसभन्दा पहिले पनि उनले आफ्नो कलाका कारण धेरै पुरस्कार जीतेकी छिन्।
यस अवार्डको लागि बराक ओबामा, जेफ बेजोस, क्रिस्टियानो रोनाल्डोसहित दुनियाँभरबाट ३००० भन्दा बढी प्रभावशाली सेलिब्रेटीको नामांकन भएको थियो।
यसअघि दीपिका गत महिना जारी भएको एसियाको सबैभन्दा प्रभावशाली महिलाहरुको सूचीमा समावेश भएकी थिइन्। यस सूचीमा, दीपिका टिभी र फिल्म वर्ल्डको श्रेणीमा शीर्ष स्थानमा रहेकी थिइन्।
यो खबर पढेर तपाईलाई कस्तो महसुस भयो ?
प्रतिक्रिया