कमानसिंह लामालाई श्रद्धान्जली दिँदै विष्णु रिमालले लेखे – ‘तपाईको फेसबुक स्ट्याटसले चकित तुल्यायो’

काठमाडौं – पूर्व सांसद एवं सत्तारुढ दल नेपाल कम्युनिष्ट पार्टी(नेकपा) का केन्द्रीय सदस्य तथा दक्षिण कोरियाका पूर्व राजदूत कमानसिंह लामाको निधन भएसँगै नेपाली राजनीतिमा नयाँ तरंग उत्पन्न भएको छ ।

उनको फेसबुकमा लेखिएको स्टाटस, उनले नेकपा प्रवक्ता नारायणकाजी श्रेष्ठसँग कुराकानी गरेको एक ‘भिडियो क्लिप्स’ लगायतका कारण सर्वसाधारणसमेत आश्चर्यमा परेका बेला प्रधानमन्त्री केपी शर्मा ओलीका प्रमुख राजनीतिक सल्लाहकार विष्णु रिमालले पनि उनको फेसबुक स्टाटसले आफूलाई चकित तुल्याएको बताएका छन् ।

१० घण्टा अगाडी यो समाचार तयार पार्दा उनले एक स्टाटस पोष्ट गरेका थिए जसमा लेखिएको छ :

‘एकपटक भेट्ने’
हप्ता/दस दिन अघी भएका हामी बिचको वाचा पूरा हुन पाएन।
यो पछीसम्मै खट्की रहने छ।
तपाइको हप्ता दिन अघीको फेसबुक स्ट्याटसले चकित तुल्यायो! 
र, हिजो भएको अकस्मिक निधनको खवरले अति नै दुःखी बनायो ।
भावपूर्ण श्रद्धांजलि कमरेड कमानसिंह लामा जी !! 

कोरोना संक्रमणबाट पीडित लामाको शिक्षण अस्पताल महाराजगञ्जमा निधन भएको हो ।

के थियो उनको फेसबुक स्टाटसमा ? 

मृत्युअघि कमानसिंहले लेखेका थिए यस्तो भावुक स्टाटस

लामाले मृत्यु हुनु भन्दा एक हप्ता अघि एक सामाजिक सञ्जालमा भावुक स्टाटस लेखेका छन् । जसमा आफ्नो श्रीमतीसँग खटपट भएको देखिन्छ । डिसेम्बर ३ तारिखमा लेखिएको स्टाटसमा उनले आफू र श्रीमतीबीचको खटपटका बारेमा भावुक हुँदै लेखेका छन् ।

आफ्नी श्रीमतीलाई आमा पछि माया गर्ने मान्छेको रुपमा हेरेको बताएका छन् । साथै आज दुई जनाको माया याम्बालिंग रुपी बर्मुडा ट्रयाङ्गलमा फसेको बताएका छन् ।

“आमा नामनै कति मोहक शब्द “आमा ” मैले संसारमा सब भन्दा बढी मया गर्ने “आमा”
प्रीय मैले तिमीलाई त्यही आमा पछिको दोश्रो माया गरेको थिएं तर त्यो आज याम्बालिंग रुपी बर्मुडा ट्रयाड०गलमा फसेकोछ !!! तीमि यसलाई सामान्य लोग्नी स्वस्नीको झगडाको रूपमा लिंदै आफ्नो स्वास्नी आफैले हात लिन सक्नु पर्छ भन्नछन” छ्या कति कुरुप सिलावरको देक्ची कूचिैएका कुरुप विचार र अनुहार बोकेका तिम्रा जिग्री दोस्तहरु !!” भावुक हुँदै सामाजिक सञ्जालमा लेखेका छन् ।

अस्पतालको बेडबाट आफ्नी श्रीमतीलाई सम्बोधन गर्दै उनले आफूले श्रीमतीलाई बसै सम्पती समेत सुम्पिएको तर स्वाभिमानमाथि खेलबाड गर्ने अधिकार नभएको प्रष्ट्याएका छन् ।यसबाट पारिवारिक रुपमा लामाको विक्षिप्त रहेको सजिलै बुझ्न सकिन्छ ।
“याद गर प्रीय मैले तिमीलाई सबै कुरो सम्पती सम्म सुम्पें तर मेरो स्वाभिमान प्रति खेलवाड गर्ने छुट दिईएको छैन १११ धेरैले नबुझेका र तिमीले पनि नवुझेको कुरो यहि छ !!!” उनले लेखेका छन् ।

श्रीमतीसँगको टकरावका कारण आफ्ना केही सपनाहरु अधुरै रहेको र राजनीति पनि नेताहरुले वर्वाद पारिदिएको लामाले भावुक हुँदै सामाजिक सञ्जालमा लेखेका छन् ।

“प्रीय ,तिमीले कुरा नबुझ्दा र तिमीले जानी जानी धोका दिंदा मेरा केही सपनाहरु अधुरानै रहने भए !!!
राजनीतिक सपना राजनीतिक नेताहरुले गोलखाडि पुर्याइ हाले !!! ”

यस्तो थियो लामाको स्टयाटस