प्रचण्डको अध्यक्षतामा नेकपाको बैठक जारी, यस्तो हुँदैछ छलफल

काठमाडौं । सत्तारुढ दल नेपाल कम्युनिष्ट पार्टी (नेकपा) को स्थायी समिति बैठक जारी रहेको छ ।

विहान साढे ११ बजेटबाट जारी तेस्रो दिनको बैठकमा पुष्पकमल दाहालले अध्यक्षता गरिरहेका छन् । आज पनि बैठकमा सीमा समस्याका विषयमा स्थायी समिति सदस्यहरुले आफ्नो धारणा राख्ने क्रम जारी रहेको छ । शुक्रवार १८ जना सदस्यले सीमा समस्याका बारेमा आफ्नो धारणा राखेका थिए ।

आज करिब १ दर्जन सदस्यले सीमा समस्याका विषयमा आफ्ना कुरा राख्ने बताइएको छ । शुक्रबार नै परराष्ट्रमन्त्री प्रदीप ज्ञवालीले सीमा समस्याका लागि भइरहेका प्रयासका बारेमा जानकारी गराएका थिए ।

सीमा समस्याका विषयमा बोल्ने क्रम सकिएपछि कोरोनाले पारेको प्रभाव र सरकारले कोरोना नियन्त्रणका लागि गरिरहेका कामहरुको बारेमा समिक्षा हुने कार्यसूची रहेको छ । यसअघि शुक्रवारको बैठकमा अनुस्थित रहनुभएका प्रधानमन्त्री एवं पार्टी अध्यक्ष केपी शर्मा ओली चर्को आलोचना भएपछि आजको बैठकमा सहभागि भएका थिए । यद्यपी बैठकमा उहाँ आधा घण्टासम्म पनि बस्नु भएन् । बुधबारबाट स्थायी समिति बैठक सुरु भएको हो ।