नाडा अटोमोबाइल्सको यातायात तथा पारवहन समितिको उपसभापतिमा पौडेल मनोनित

काठमाडौं । नेपाल उद्योग वाणिज्य महासंघका कार्यकारिणी समिति सदस्य मेयराज पौडेललाई महासंघअन्तर्गतको यातायात तथा पारवहन समितिको उपसभापतिमा मनोनयन गरिएको छ ।

महासंघले लिलेन्द्र प्रसाद प्रधानको सभापतित्वमा गठन गरेको समितिको उपसभापतिमा पौडेललाई मनोनयन गरेको हो ।

महासंघका अनुसार पौडेलको अनुभव, ज्ञान र सक्रिय सहभागिताले यातायात तथा पारवहन क्षेत्रका समस्या समाधान गर्न तथा व्यापार सहजीकरणमा सहयोग पुग्ने अपेक्षा गरिएको छ ।

त्यस्तै, महासंघका कार्यक्रमलाई थप प्रभावकारी बनाउन पनि पौडेलको भूमिका महत्वपूर्ण हुने महासंघले जनाएको छ ।

समितिको कामलाई प्रभावकारी, परिणाममुखी र व्यवसायीमैत्री बनाउन पौडेलको सक्रिय भूमिका र रचनात्मक सुझावको अपेक्षा गरिएको महासंघले जनाएको छ ।

महासंघले पौडेललाई सफल कार्यकालको शुभकामना समेत दिएको छ ।