काठमाडौं । स्वास्थ्य जनसंख्या तथा खानेपानी मन्त्रालयले मातहतका निकायमा दुरुपयोग भइरहेका सरकारी सवारीसाधन फिर्ता ल्याउने प्रक्रिया सुरु गरेको छ ।
मन्त्रालयका अनुसार स्वास्थ्य तथा जनसंख्या तथा खानेपानीमन्त्री निशा मेहताको निर्देशनपछि अनधिकृत रूपमा प्रयोग भइरहेका सरकारी गाडी मन्त्रालयमा तान्न थालिएको हो ।
सवारीसाधन सुविधा नपाउने कर्मचारीहरूले समेत विभिन्न बहानामा सरकारी गाडी प्रयोग गरिरहेको जानकारी प्राप्त भएपछि मन्त्री मेहताले त्यस्ता सवारीसाधन तत्काल फिर्ता ल्याउन निर्देशन दिएकी थिइन् ।
निर्देशनपछि फिर्ता ल्याइएका सवारीसाधन हाल मन्त्रालय परिसरमा राखिएको मन्त्रालयले जनाएको छ । ती गाडी आवश्यकता र कानुनी प्रावधानका आधारमा मात्रै प्रयोग गरिने बताइएको छ ।
प्रचलित कानुनअनुसार सहसचिव वा सोभन्दा माथिका पदाधिकारीलाई मात्र सरकारी सवारीसाधन प्रयोग गर्ने सुविधा रहेको व्यवस्था छ ।
यो खबर पढेर तपाईलाई कस्तो महसुस भयो ?
प्रतिक्रिया