काठमाडौं । अफगानिस्तानका स्वास्थ्यमन्त्री फिरोजुद्दिन फिरोजलाई कोरोना भाइरसको संक्रमण भएको छ ।
परिक्षणका क्रममा उनको रिपोर्ट पोजेटिभ आएको आफगानिस्तान सरकारले जनाएको छ ।
आफगानिस्तान सरकारको स्वास्थ्य मन्त्रालयले जारी गरेको एक बयानमा शुक्रवार कोरोनाको पुष्टि भएको बताइएको अन्तर्राष्ट्रिय सञ्चारमाध्यमहरुले बताएका छन् ।
अफगानिस्तानमा अहिलेसम्म कोरोना भाइरसको संक्रमणका कारण ११५ जनाको मृत्यु भएको छ भने ४ हजार ३३ जनालाई संक्रमण भएको छ ।
आज मात्रै त्यहाँ २५५ नयाँ संक्रमित थपिएका छन् भने आजै ६ जनाको मृत्यु भएको छ ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया