काठमाडौं । राष्ट्रिय स्वतन्त्र पार्टी (रास्वपा) ले सचिवालय बैठक बोलाएको छ ।
बैठक रास्वपाको केन्द्रीय कार्यालय, वनस्थलीमा भोलि मध्यान्ह साढे १२ बजे बस्न लागेको पार्टीका प्रवक्ता मनिष झाले जानकारी दिए ।
बैठकमा समसामयिक राजनीतिक घटनाक्रमबारे छलफल हुने जनाइएको छ ।
विशेषगरी सरकारले अघि बढाएका अध्यादेशहरू र सुकुमबासी बस्तीमा डोजर चलाइएको विषयलाई लिएर बढ्दो आलोचनाबीच पार्टी नेतृत्वले बैठक बोलाएको हो ।
सभापति रवि लामिछानेको आह्वानमा बस्न लागेको बैठकमा पछिल्ला राजनीतिक परिस्थितिबारे पार्टीको धारणा र आगामी रणनीतिबारे छलफल गर्न लागेको हो ।
बैठकमा सचिवालय सदस्यहरूलाई उपस्थित हुन निर्देशन दिइएको छ ।
यो खबर पढेर तपाईलाई कस्तो महसुस भयो ?
प्रतिक्रिया