पूर्वआईजीपी खनालले खोले आफ्नै नेतृत्वमा पार्टी, नाम ‘समुन्नत नेपाल पार्टी’

काठमाडौं । पूर्व प्रहरी महानिरीक्षक (आईजीपी) सर्वेन्द्र खनालले पार्टी खोलेका छन् । उनको पार्टीको नाम ‘समुन्नत नेपाल पार्टी’ रहेको छ । 

देश आफैँले बनाउने र त्यसको नेतृत्व पनि आफैँले गर्ने उद्देश्यले उनले पार्टी खोलेका हुन् । 

खनालको पार्टीका तर्फबाट राजबाबु यादवले कात्तिक ३० गते अबेर आयोगमा निवेदन बुझाएको जनाइएको छ । 

पूर्वआईजीपी खनाल यसअघि २ पटक प्रतिनिधिसभा निर्वाचनमा एमालेका तर्फबाट उम्मेदवार बनेका थिए । २०७९ को प्रतिनिधिसभा सदस्य निर्वाचनमा काठमाडौं–६ र त्यसपछि तनहुँ–१ को उपनिर्वाचनमा एमालेले उनलाई उम्मेदवार बनाएको थियो । दुवै पटक उनी पराजित भएका थिए ।