लुम्बिनी प्रदेशको हिउँदे अधिवेशन मंसिर ८ गतेदेखि

दाङ । लुम्बिनी प्रदेशको हिउँदे अधिवेशन मंसिर ८ गतेदेखि सुरु हुने भएको छ ।  

प्रदेशसभा सचिव दुलर्भकुमार पुनका अनुसार प्रदेशसभाको सातौँ अधिवेशन मंसिर ८  गते सोमबार आह्वान गरिएको छ ।  

नेपालको संविधानको धारा १८३ को उपधारा (१) बमोजिम बैठक आह्वान गरिएको हो । 

प्रदेश प्रमुख कृष्णबहादुर घर्तीले सोही दिन दिउँसो १ बजेदेखि अधिवेशनको आह्वान गरेको सचिव पुनले जानकारी दिए ।