काठमाडौं । नेपाली कम्युनिस्ट पार्टी (नेकपा) का संयोजक पुष्पकमल दाहाल प्रचण्डले नेपालमा भूराजनीतिक चलखेल बढ्दै गएको दाबी गरेका छन् ।
दुई महिने राष्ट्रिय जागरण अभियानको उद्घाटनका लागि आयोजित पत्रकार सम्मेलनमा बोल्दै उनले देशको राजनीतिक, आर्थिक, सामाजिक र सांस्कृतिक अवस्था सहज नरहेको बताए ।
उनले नेपालमा मात्र नभई विश्वभर नै परिस्थिति असहज बन्दै गएको बताए । रुस–युक्रेन युद्ध, इजरायल–प्यालेस्टाइन द्वन्द्व तथा इजरायल, अमेरिका र इरानबीचको युद्धलगायतका घटनाले विश्वको अवस्था जटिल बनाएको उनको भनाइ छ ।
यस्तै, युरोपमा भइरहेका आन्दोलन र विद्रोहले पनि विश्व परिस्थिति सहज नरहेको देखाएको उनले बताए ।
विश्वमा भइरहेको भूराजनीतिक परिवर्तनको असरबाट नेपाल पनि अछुतो रहन नसकेको प्रचण्डले उल्लेख गरे ।
यो खबर पढेर तपाईलाई कस्तो महसुस भयो ?
प्रतिक्रिया