एउटै रुखको हाँगोमा दुई किशोरी झुन्डिएको अवस्थामा मृत फेला 

काठमाडौं । अछाममा १७ र १५ वर्षीया दुई किशोरी मृत फेला परेका छन् । तुर्माखाँद गाउँपालिका– ६ सल्लेरी वनमा आज बिहीबार एउटै रुखको हाँगोमा झुन्डिएको अवस्थामा उनीहरूलाई मृत फेला पारिएको हो ।

तुर्माखाँद गाउँपालिका–६ का उनीहरू १७ गतेबाट सम्पर्कविहीन भएका थिए । घटनास्थल उनीहरूको घरबाट ४ सय मिटर टाढा छ ।  

जिल्ला प्रहरी कार्यालय अछामका डीएसपी ओमप्रकाश खनालले बिहान ९ बजे स्थानीयले देखेपछि आफूहरूले जानकारी पाएको बताए । उनले स्थानीय प्रहरी चौकीबाट प्रहरी टोली घटनास्थलमा पुगिसकेको र जिल्लाको टोली पुग्ने क्रममा रहेको बताए । 

घटनाबारे प्रहरीले सूक्ष्म तरिकाले अनुसन्धान गरिरहेको उनले बताए ।