ठेकेदार मनोज भेटुवाल पक्राउ

काठमाडौं । इनोभेटिभ कन्सेप्ट नेपाल प्रालिका सञ्चालक एवं ठेकेदार मनोजकुमार भेटुवाल पक्राउ परेका छन्।

काठमाडौंको पुरानो बसापार्कमा काठमाडौं भ्युटावर निर्माण गरिरहेका भेटुवाललाई बुधबार जिल्ला प्रहरी परिसर काठमाडौंको टोलीले पक्राउ गरेको हो ।

बैंकिङ कसुरको विषयमा उनलाई पक्राउ गरिएको जिल्ला प्रहरी परिसर काठमाडौंका प्रमुख एसएसपी दानबहादुर कार्कीले लोकपथलाई जानकारी दिए ।

‘बैंकिङ कसुरको केसमा उहाँलाई पक्राउ गरिएको हो ।’ उनले भने, ‘सो विषयमा अनुसन्धान भइरहेको छ ।’

विवादित पृष्ठभुमी भएका भेटवाल तत्कालीन एपेक्स डेभलपमेन्ट बैंकमा भएको डेढ अर्ब बढी घोटाला काण्डमा यसअघि नै तानिएका थिए ।

भेटवालले बैकका कर्मचारीको मिलोमतोमा कमसल जग्गा धितो राखेर ११ करोड ९० लाखभन्दा बढी ऋण लिएको देखिएको थियो ।