झापाले चुम्यो भेट्रान्स फुटबलको उपाधि

काठमाडौं । झापा भेट्रान्स फुटबल क्लबले मेयर कप भेट्रान्स फुटबल प्रतियोगिताको उपाधि हात पारेको छ ।

त्रिपुरेश्वरस्थित दशरथ रंगशालामा आज मंगलबार भएको फाइनलमा झापाले एफई खुमलटार भेट्रान्स क्लबलाई २–१ गोल अन्तरले पराजित गर्दै उपाधि हात पारेको हो ।

झापालाई उपाधि दिलाउन गोल श्याम कुमार दुई गोल गरे ।

प्रतियोगिताको विजेता झापाले ५ लाख तथा उपविजेता खुमलटारले २ लाख ५० हजार रुपैयाँ प्राप्त गरेको छ ।