कसैसँग मिलेर होइन एक्लै लडेर अबको चुनावमा बहुमत ल्याउनुपर्छ : गगन थापा

काठमाडाैं । नेपाली कांग्रेसका नेता गगन थापाले अबको चुनावमा कसैसँग मिलेर नभइ एक्लै लडेर बहुमत ल्याउने बताएका छन् ।

काठमाडौं नगरपालिकाको अधिवेशन उद्घाटन कार्यक्रममा थापाले १४ औं महाधिवेशनमा बाेल्दै नेता नेपालले एक्लै लडेर बहुमत ल्याउने बताएका हुन् ।

साथै, काठमाडौं नगरपालिकाको अधिवेशनमा केन्द्रदेखि वडासम्म जनतामा आशा र भरोसा दिलाउन सक्ने नेता चाहिएको बताएका हुन् ।

‘हामीलाई चाहे खुल्ला मञ्च, सडक तथा संसद वा जनताको झुपडीमा गएर बोलेको कुरामा भरोसा दिलाउने कांग्रेस चाहिएको छ । नागरिकहरुको टुटेको मन जोड्ने काँग्रेस चाहिएको छ ।’नेता थापाले भनेका छन् ।

नेता थापाले आगामी तीन तहको निर्वाचनबाट कांग्रेस पहिलो पार्टी बनाउनुपर्नेमा जोड दिए । ‘कांग्रेसले कसैसँग मिलेर होइन एक्लै लडेर अबको चुनाव जित्ने हो । कम्युनिस्ट, मधेसवादी मिले भने पनि कांग्रेसले जित्ने गरी काम गर्नुपर्छ । हामीले पाँच वर्ष सरकार चलाउनका लागि एकलै बहुमत ल्याउनुपर्छ’ थापाले भनेका छन् ।