संविधानको प्रावधानमा अस्पष्टता भयो : सांसद राई

लोकपथ

२०७८,श्रावण,१२,मंगलवार १७:१८

काठमाडौं । राष्ट्रिय सभा सदस्य डा. विमला राई पौडेलले संविधानको प्रावधानमा अस्पष्टता भएको बताएकी छिन् ।

प्रतिनिधि सभा विघटनको सवालमा अदालतमा भएको लामो बहस कानुन व्यवसायीले गरेका बहसहरु हेर्दा संविधानको प्रावधानमा थुप्रै अस्पष्टता रहेको बताएकी हुन् । उनले सर्वोच्चको १६५ पृष्ठ लामो व्याख्यासहितको प्रतिवेदन आएकोबाट संविधानको प्रावधानमा धेरै अस्पष्टता र बिरोधाभाष भएको पनि बताएकी हुन् ।

विरोधाभाषलाई व्याख्या गर्दै यसलाई समृद्ध बनाउनु पर्ने र सुदृढ गर्नुपर्ने आवश्यक्ता रहेको उनको भनाइ रहेको छ । संविधान कार्यान्वयनको पहिलो चरणमै रहेको भन्दै उनले पाँच वर्षमा संविधान कार्यान्वन गर्दै जाँदा यस्त धेरै अस्पष्टता आउने भएकोले यसमा काम गर्नुपर्ने बताए ।
उनले भने, “संविधानको प्रावधानमा अस्पष्टता छ, प्रतिनिधि सभाको विघटनको सवालमा अदालतमा भएको थुप्रै कानून व्यवसायीले गरेका वहसहरु हेर्दा र सर्वोच्चको १६५ पृष्ठ लामो व्याख्यासहितको प्रतिवेदन आएकोबाट संविधानको प्रावधानमा धत्रेरुै अस्पष्टता र बिरोधाभाष छ, त्यसैले यसलाई समृद्ध बनउनुपर्छ ।”

उहाँले दलको ह्वीप लाग्ने/नलाग्ने भन्नेमा रेस्ट्रोकपेक्टिभ भन्ने रुलिङ भइसकेको कुरामा लाग्ने हो कि, अब हुने कुरामा लाग्ने हो भन्ने कुराको सर्वोच्च अदालतले जवाफ दिनुपर्ने बताइन् ।

उनले भनिन्, “दलको ह्वीप लाग्ने/नलाग्ने भन्नेमा रेस्ट्रोकपेक्टिभ भन्ने रुलिङ भन्ने छ, यो रुलिङ भइसकेको कुरामा लाग्ने हो कि, अब हुने कुरामा लाग्ने हो ? यसमा सर्वोच्च अदालत आफू क्लियर होला, तर यसको व्याख्यामा पनि फरक छ, विविधता छ, त्यसमा पनि जवाफ चाहिन्छ ।”