काठमाडौं । नेपालमा पछिल्लो २४ घण्टामा थप ३६७ जनामा कोरोना भाइरस (कोभिड-१९) को संक्रमण पुष्टि भएको छ ।
जसमध्ये ३०३ जनामा पीसीआर विधिबाट गरिएको परीक्षणमा कोरोना पुष्टि भएको हो । भने ६४ जनामा एन्टीजेन विधिबाट गरिएको परीक्षणमा कोरोना पुष्टि भएको स्वास्थ्य मन्त्रालयका प्रवक्ता जागेश्वर गौतमले जानकारी दिए ।
उनका अनुसार पछिल्लो २४ घण्टामा देशका विभिन्न प्रयोगशालामा गरी ३१ सय २५ जनाको पीसीआर परीक्षण र ६९० जनाको एन्टीजेन परीक्षण गरिएको हो ।
मन्त्रालयका प्रवक्ता डा. गौतमले दिएको जानकारी अनुसार काठमाडौं उपत्यकामा मात्रै थप १५४ जनामा कोरोना संक्रमण पुष्टि भएको छ । जसमध्ये काठमाडौंमा १२८, भक्तपुरमा ११ र ललितपुरमा १५ जनामा कोरोना संक्रमण पुष्टि भएको हो ।
त्यस्तै पछिल्लो २४ घण्टामा देशभरबाट जम्मा १४१ जना कोरोना संक्रमणमुक्त भएका छन् । भने हाल देशभर ८३ जना क्वारेन्टाइनमा रहेका छन् । त्यस्तै हालसम्म कुल संक्रमितमध्ये ९७ दशमलव ९ जना कोरोना संक्रमणमुक्त भएका छन् ।
पछिल्लो समय नेपालमा कोरोना संक्रमणको जोखिम बढिरहेको छ । यसअघि शनिवार नेपालमा ३३७ जनामा कोरोना संक्रमण पुष्टि भएको थियो भने १ जनाको कोरोना संक्रमणको कारण निधन भएको थियो ।
यो खबर पढेर तपाईलाई कस्तो महसुस भयो ?
प्रतिक्रिया