चिनियाँ दूतावास नजिकै युवाहरूको नारा- ‘ब्याक अफ चाइना’

काठमाडौं । नेपालमा चिनियाँ हस्तक्षेप बढेको भन्दै युवाहरूले आज (बिहिवार) प्रदर्शन गरेका छन् ।

चिनियाँ हस्तक्षेपकाे विराेधमा युवाहरूले चिनियाँ दूतावास नजिकै बिरोध प्रदर्शन गरेका हुन् । उनीहरूले विदेशी हस्तक्षेप बन्द गर, ब्याक अफ चाईना, सगरमाथा हाम्रो हो भन्दै नारावाजी गरेका थिए ।

नेपालमा राजनीतिक अस्थिरतासँगै चीनको चार सदस्यीय प्रतिनिधिमण्डल नेपाल आएका थिए । टोलीले नेपालका राष्ट्रपति विद्यादेवी भण्डारी, प्रधानमन्त्री केपी ओली, नेकपा अध्यक्ष पुष्पकमल दाहाल प्रचण्ड र माधवकुमार नेपाल, प्रमुख प्रतिपक्षी दल नेपाली कांग्रेसका सभापति शेरबहादुर देउवा, जसपा अध्यक्ष बाबुराम भट्टराईलगायतसँग भेटवार्ता गरेका थिए।

चिनियाँ टोलीले नेताहरूलाई मिलेर अघि बढ्न सुझाव दिएका थिए।