काठमाडौं । पाल्पामा अविरल आएको वर्षाका कारण गएको पहिरोमा पुरिएका २ जनाको शव फेला परेको छ ।
त्यस्तै अर्का एकजना व्यक्तिलाई गम्भीर अवस्थामा उद्दार गरिएको प्रहरीले जनाएको छ।
गुल्मी सडक खण्डमा पर्ने पाल्पाको तानसेन नगरपालिका–११ स्थित सम्मेबारी भन्ने स्थानमा सोमवार दिउँसो ४ वटा गाडी पहिरोमा परेर पुरिएका थिए ।
प्रदेश प्रहरी कार्यालय बुटवल नगरपालिकाले खन्दै गरेको नयाँ बाटोमा पहिरोले एउटा जिप, एउटा कार, पानी बोक्ने ट्यांकर र मिनी ट्रक पुरिएका हुन् ।
मृतकहरुको पहिचान खुल्न सकेको छैन। घटनाको थप विवरण आउन बाँकी छ। घटनास्थलमा नेपाली सेना, नेपाल प्रहरी र सशस्त्र प्रहरी बल उद्दारमा खटिएका छन् ।
यो खबर पढेर तपाईलाई कस्तो महसुस भयो ?
प्रतिक्रिया