काठमाडौं । सरकारी स्वामित्वको दुग्ध विकास संस्थान (डीडीसी) र नेपाली सेनाबीच दूध तथा दुग्धजन्य पदार्थ आपूर्तिसम्बन्धी सम्झौता भएको छ ।
सम्झौताअनुसार डीडीसीले नेपाली सेनाका ३२ जिल्लामा रहेका ब्यारेकमा नियमित रूपमा दूध तथा दुग्धजन्य पदार्थ आपूर्ति गर्नेछ ।
सेनाका ब्यारेकमा दैनिक १० हजार २५१ लिटर प्रशोधित दूध आपूर्ति हुनेछ । यो वार्षिक रूपमा ३७ लाख ४१ हजार ५६५ लिटर हुन्छ ।
त्यस्तै, दैनिक ३६५ किलो दही, ३७ किलो पनिर, २१ किलो होल मिल्क पाउडर र १५ किलो चिज आपूर्ति गरिनेछ । वार्षिक रूपमा १ लाख ३३ हजार ५२२ किलो दही, १३ हजार २४० किलो पनिर, ७ हजार ४४१ किलो होल मिल्क पाउडर र ५ हजार २७८ किलो चिज आपूर्ति हुनेछ ।
राजधानीमा आयोजित कार्यक्रममा सम्झौतापत्रमा नेपाली सेनाको आपूर्ति तथा परिवहन निर्देशनालयका रथी सञ्जयकुमार रञ्जित र डीडीसीका महाप्रबन्धक डा। शरणकुमार पाण्डेले हस्ताक्षर गरेका हुन् ।
सम्झौतापछि डीडीसीका उत्पादनले ठूलो बजार पाउने भएको छ । यसबाट दुग्ध किसानलाई समेत राहत पुग्ने अपेक्षा गरिएको छ । साथै, नेपाली सेनाले स्वदेशमै उत्पादन भएका दूध तथा दुग्धजन्य पदार्थ प्रयोग गर्ने अवसर पाउनेछ ।
यो खबर पढेर तपाईलाई कस्तो महसुस भयो ?
प्रतिक्रिया