काठमाडौं । श्रम संस्कृति पार्टीका अध्यक्ष हर्क साम्पाङले प्रधान न्यायाधीश सिफारिस प्रक्रियाप्रति आपत्ति जनाएका छन् ।
सामाजिक सञ्जाल फेसबुकमार्फत आफ्ना धारणा सार्वजनिक गर्दै साम्पाङले वरीयतामा चौथो स्थानमा रहेका व्यक्तिलाई प्रधान न्यायाधीश बनाउने निर्णयलाई सरकारको ठूलो असफलता को संकेत भएको टिप्पणी गरेका हुन् ।
‘वरीयताले चौथो भनिने मानिने व्यक्तिलाई प्रधान न्यायाधीश बनाउनु सरकारको अर्को ठूलो असफलताको कारण ! अध्यादेशको औचित्य पुष्टि गरेको यही होला ! चुपचाप घण्टी छापको करामत !,’ उनले लेखेका छन्
उनले यसले हालै जारी गरिएको अध्यादेशको औचित्यमाथि समेत प्रश्न उठाएको दाबी गरेका छन् ।
साम्पाङले बिहानै दुई वटा स्टाटस लेख्दै यस विषयमा असन्तुष्टि दोहोर्याएका छन् ।
उनका अनुसार न्यायिक नियुक्ति प्रक्रियामा पारदर्शिता र परम्परागत वरीयता प्रणालीको अवहेलना गरिएको छ ।
यो खबर पढेर तपाईलाई कस्तो महसुस भयो ?
प्रतिक्रिया