देशका विभिन्न स्थानमा ३ जना मृत अवस्थामा फेला

काठमाडौं । देशका विभिन्न स्थानमा ३ जना मृत अवस्थामा फेला परेका छन् ।

सम्बन्धित स्थानको प्रहरीले उपलब्ध गराएको तथ्यांक अनुसार मोरङ, दाङ र म्याग्दीमा गरी ३ जना मृत अवस्थामा फेला परेका हुन् ।

प्रहरीका अनुसार मोरङ, रंगेली नगरपालिका–३ दौलतपुरस्थित केदार उप्रेतीको गोठको बाहिर राखेको खाटमा सोही नगरपालिका–३ आमतोला बस्ने ६५ वर्षीय हरिलाल किस्कु आइतबार मृत अवस्थामा फेला परेका छन् ।

त्यस्तै दाङको बबई गाउँपालिका–७ रावततरास्थित बबई नदीमा शान्तिनगर गाउँपालिका–६ देवीपुर बस्ने ७८ वर्षीय कुशल खड्का आइतबार मृत अवस्थामा फेला परेका छन् ।

प्रहरीका अनुसार म्याग्दी, मालिका गाउँपालिका–६ सानोधैरेनीस्थित सामुदायिक वनमा हाल नाम, थर, वतन नखुलेका पुरूष आइतबार मृत अवस्थामा फेला परेका छन् ।

छुट्टाछुट्टै स्थानमा भएका घटनाका सम्बन्धमा सम्बन्धित प्रहरीले आवश्यक अनुसन्धान गरिरहेको छ ।