काठमाडौं । पूर्व प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डसहित माओवादी नेताहरु नख्खुको बाढी प्रभावित क्षेत्रको निरीक्षणमा पुगेका छन् ।
मंगलबार दिउँसो प्रचण्डसहित माओवादी नेताहरु ललितपुर महानगरपालिका अन्तर्गत पर्ने नख्खु खोलाले पारेको क्षतिबारे निरीक्षण गर्न पुगेका हुन् ।
निरीक्षणमा प्रचण्डसहित उपाध्यक्ष अग्नीप्रसाद सापकोटा, उपमहासचिव पम्फा भुसालसहितका नेताहरु रहेका थिए ।
सो क्रममा प्रचण्डले त्यहाँका पीडित नागरिकहरुसँग उनीहरुका समस्याबारे छलफल गरेका थिए । पीडितहरुले सरकारले यतिका दिन बितिसक्दा पनि कुनै चासो नदेखाएको गुनासो गरेका थिए ।
त्यस्तै आजै त्यसअघि प्रचण्डले बल्खुका बाढी प्रभावितहरुको अवस्थाबारे जानकारी लिएका थिए ।
यो खबर पढेर तपाईलाई कस्तो महसुस भयो ?
प्रतिक्रिया