मार्चदेखि बोइङले एउटै अर्डर पाएन

काठमाडौं  – बोइङले पहिलो त्रैमासिक अवधिमा आफ्नो विमानको अर्डरमा कमी आएको जनाएको छ । दुई ठुला दूर्घटनापछि कम्पनीको सर्वाधिक बिक्री हुने विमान ७३७  म्याक्सको सेवा विश्वभर बन्द गरिएको छ ।
 गत वर्षको पहिलो त्रैमासमा १ सय ८० विमानको अर्डर पाएकोमा यस वर्षको पहिलो त्रैमासमा ९५ अर्डर मात्रै पाएको छ । मार्चमा कम्पनीको एउटा पनि अर्डर पाएको छैन । बोइङ इतिहासमै सर्वाधिक खराब अवस्थाबाट गुज्रिरहेको छ । कारोबार दैनिकमा याे खबर प्रकाशित छ ।