काठमाडौं । यतिबेला कोरोना भाइरसको महामारीका कारण सारा विश्व ग्रस्त छ । कोरोना भाइरसविरुद्धको भ्याक्सीन बनाउन वैज्ञानिकहरु अहोरात्र खटिएका छन् ।
यो समाचार तयार पार्दासम्म विश्वमा ३ लाख ४६ हजार ३६९ जनाको मृत्यु भईसकेको छ भने ५५ लाख १७ हजार ७०८ जनालाई संक्रमण भएको छ ।
यसैबीच बेलायत र चीनका वैज्ञानिकहरूले कोरोना भाइरसविरुद्धको खोप परीक्षण पहिलो चरणमा सफल भएको दाबी गरेका छन् ।
अक्सफोर्ड विश्वविद्यालयले अप्रिल २३ मा शुरु गरेको पहिलो चरणको परीक्षण सफल भएको वैज्ञानिहरुको दाबी छ ।
वैज्ञानिकहरुले पहिलो चरणमा करिव १ हजार जनामा यसको परीक्षण गरेका थिए ।
जसमा कोरोनाभाइरसविरुद्धको भ्याक्सीन परीक्षणमा अक्सफोर्ड पहिलो चरणमा सफल भएको वैज्ञानिकको दाबी छ ।
विश्वविद्यालयले दोस्रो चरणको परीक्षणका लागि बेलायतका १० हजार २ सय ६० जना स्वास्थ्य स्वयंसेवकलाई आह्वानसमेत गरेको छ ।
त्यसैगरी चीनको क्यान्सिनो बायोलोजिक्स इनकर्पोरेसनले पनि कोरोना भाइरसविरुद्धको खोप परीक्षण पहिलो चरणमा सफल भएको बताएको छ ।
क्यान्सिनोले पहिलो चरणमा १८ देखि ६० वर्षका १ सय ८ जनामा परीक्षण गरेको थियो । जसमा उ सफल भएको क्यान्सिनोले जनाएको छ ।
अक्सफोर्डका वैज्ञानिकहरूका अनुसार दोस्रो र तेस्रो चरणको परीक्षणमा ५५ वर्षमाथिका वयस्क र ५ देखि १२ वर्षसम्मका बालबालिकालाई सहभागी गराइने भइएको छ ।
अक्सफोर्डले परीक्षणको अर्को चरणमा वृद्धवृद्धाहरूको रोग प्रतिरोधात्मक प्रणालीमा यो खोपले देखाउने प्रतिक्रियामा केन्द्रित भएर काम गर्ने बताएको छ ।
साथै अक्सफोर्डले उक्त परीक्षणको रिपोर्ट सेप्टेम्बरसम्ममा आइसक्ने जानकारी दिएको छ ।
कोभिड–१९ खोपका ३ करोड भन्दा धेरै डोज सेप्टेम्बरसम्ममा उपलब्ध हुने बेलायत सरकारले जनाएको छ ।
बेलायतका सरकारी अधिकारीहरूका अनुसार अब चाँडै कोरोना भाइरसविरुद्धको खोप बन्ने विश्वास राखेको बताएका छन् ।
एजेन्सीको सहयोगमा
चीनको भन्दा फरक भाइरस भारतमा देखिएको वैज्ञानिकको दाबी
यो खबर पढेर तपाईलाई कस्तो महसुस भयो ?
प्रतिक्रिया