काठमाडौं । प्रधान सेनापति अशोकराज सिग्देल चीनको औपचारिक भ्रमण पूरा गरी शनिबार स्वदेश फर्किएका छन् ।
त्रिभुवन अन्तर्राष्ट्रिय विमानस्थलमा उनलाई बलाधिकृत रथी प्रदीपजङ्ग केसीले स्वागत गरेका थिए ।
चीन भ्रमणका क्रममा प्रधान सेनापति सिग्देलले चिनियाँ रक्षामन्त्री तथा उच्च सैनिक अधिकारीहरूसँग भेटवार्ता गरेका थिए । उनले चीनको राष्ट्रिय प्रतिरक्षा विश्वविद्यालय (एनडीयू) सहित विभिन्न सैनिक तालिम तथा शिक्षण संस्था र सैनिक एकाइहरूको निरीक्षण गरेका थिए ।
त्यस्तै, उनले बेइजिङमा आयोजित १३औँ बेइजिङ सियाङसान फोरममा पनि सहभागिता जनाएका थिए ।
नेपाली सेनाका अनुसार प्रधान सेनापतिको यस भ्रमणले नेपाल र चीनबीचको द्विपक्षीय तथा सैनिक सम्बन्धलाई थप मजबुत बनाउन सहयोग पुग्ने विश्वास गरिएको छ ।
यो खबर पढेर तपाईलाई कस्तो महसुस भयो ?
प्रतिक्रिया