काठमाडौं । सांग्रिला डेभलपमेन्ट बैंकको प्रमुख कार्यकारी अधिकृत (सीइओ) मा रबिन सिजापति नियुक्त भएका छन् ।
बैंकको आज बिहान बसेको सञ्चालक समितिको बैठकले सिजापतिलाई नयाँ सीइओ नियुक्त गर्ने निर्णय गरेको हो ।
यसअघिका सीइओ सुयोग श्रेष्ठको कार्यकाल बिहीबारदेखि समाप्त भएपछि बैंकले नयाँ सीइओ नियुक्त गरेको हो ।
नवनियुक्त सीइओ सिजापतिलाई बैंकको उच्च व्यवस्थापन टोलीले शुक्रबार नै कार्यालयमा स्वागत गरिसकेको छ ।
सिजापति यसअघि नेपाल इन्भेष्टमेन्ट मेगा बैंकमा वरिष्ठ नायब महाप्रबन्धकका रूपमा कार्यरत थिए । डेपुटी सीइओसरहको उक्त पदबाट उनले असार मसान्तदेखि लागू हुने गरी राजीनामा दिएका थिए ।
सिजापति सांग्रिला डेभलपमेन्ट बैंकका संस्थापकहरूमध्ये एकसमेत हुन् । बैंकमा आफैंले लगानी गरेका सिजापतिले अब आगामी चार वर्ष बैंकको व्यवस्थापकीय नेतृत्व सम्हाल्नेछन् ।
यो खबर पढेर तपाईलाई कस्तो महसुस भयो ?
प्रतिक्रिया