सुनको मूल्यमा सामान्य गिरावट, चाँदीको के भयो ?

काठमाडौं । नेपाली बजारमा आज सुन र चाँदीको मूल्यमा सामान्य गिरावट आएको छ । नेपाल सुनचाँदी व्यवसायी महासंघका अनुसार छापावाला सुनको मूल्य प्रतितोला ८ सय रुपैयाँले घटेर २ लाख ५३ हजार ३ सय रुपैयाँमा कारोबार भइरहेको छ ।

बुधबार सुनको मूल्य प्रतितोला २ लाख ५४ हजार १०० रुपैयाँ तोकिएको थियो । आजको कारोबार अनुसार मूल्यमा ८ सय रुपैयाँको गिरावट आएको हो ।

त्यस्तै, चाँदीको मूल्य पनि घटेको छ । बुधबार चाँदीको मूल्य प्रतितोला ३ हजार ६५५ रुपैयाँमा कारोबार भएकोमा आज ३० रुपैयाँले घटेर ३ हजार ६२५ रुपैयाँमा कारोबार भइरहेको छ ।

नेपाल सुनचाँदी व्यवसायी महासंघले मूल्य घटबढ नियमित बजारका गतिविधि तथा अन्तर्राष्ट्रिय बजारको प्रभावअनुसार हुने बताएको छ ।