जेनजी आन्दोलनमा साँखु प्रहरी प्रभागमा आगजनी गर्ने २ जना पक्राउ

काठमाडौं । जेनजी आन्दोलनका क्रममा साँखुस्थित प्रहरी प्रभागमा आगजनी तथा प्रहरीमाथि कुटपिट गरेको आरोपमा दुई जनालाई प्रहरीले नियन्त्रणमा लिएको छ।

पक्राउ पर्नेमा मकवानपुरगढी गाउँपालिका–३ मकवानपुरका ४३ वर्षीय प्रल्हाद दाहाल र शंखरापुर नगरपालिका–३ का ४७ वर्षीय सानुकान्छा वाइबा रहेका छन् ।

प्रहरीका अनुसार उनीहरूलाई यही कात्तिक ८ गते बेलुकी करिब ७ बजे काठमाडौंको गोकर्णेश्वर नगरपालिका–७, दक्षिण ढोकाबाट पक्राउ गरिएको हो ।

उनीहरूलाई थप अनुसन्धानका लागि प्रहरी वृत्त बौद्धमा पठाइएको प्रहरीले जनाएको छ।