दसैँको बिदा सकिएसँगै सिंहदरबारमा चहलपहल बढ्दै

काठमाडौं । नेपालीहरूको महान् पर्व विजया दशमी (बडा दसैँ) को बिदा सकिएसँगै सरकारी कार्यालयहरूमा चहलपहल सुरु भएको छ । 

सिंहदरबारसहित देशका सरकारी कार्यालयहरूमा चहलपहल सुरु भएको हो । यस वर्ष असोज १६ गते दसैँको टीका रहेको थियो । 

त्यसपछिका पाँच दिन कोजाग्रत पूर्णिमा (आज) सम्म दसैँको टीका लगाउने गरिन्छ । फूलपातीदेखि द्वादशीसम्म सरकारले सार्वजनिक बिदा दिएको थियो । 

अब दसैँको बिदा सकिएसँगै सरकारी कार्यालयहरूमा कर्मचारीहरूको चहलपहल सुरु भएको हो । सिंहदरबारमा पनि कर्मचारीहरू आएर आफ्नो काम सुरु गरिसकेका छन् । दसैँमा सुनसान बनेको सिंहदरबारमा चहलपहल बढेको छ ।