जबरजस्ती करणी गरेको अभियोगमा पक्राउ

बारा । निजगढ नगरपालिका ३ बस्ने ७५ वर्षीया महिलालाई जबरजस्ती करणी गरेको अभियोगमा सोही ठाउँ बस्ने ५० वर्षीय धनबहादुर बल तामाङलाई सोमवार साँझ प्रहरीले पक्राउ गरेको छ । 

आइतवार दिउँसो आफ्नै घरमा बसिरहेको अवस्थामा तामाङले ती महिलालाई जबरजस्ती करणी गरेको भन्ने जानकारी भए पश्चात इलाका प्रहरी कार्यालय निजगढबाट  खटिएको प्रहरीले उनलाई पक्राउ गरेको हो । 

यस सम्बन्धमा प्रहरीले थप अनुसन्धान गरिरहेको छ ।