बझाङ भूकम्प अपडेट : घाइते हुनेको संख्या १३ पुग्यो, २० भन्दा बढी संरचना भत्किए

बझाङ । बझाङमा गएको भूकम्पमा परी घाइते हुनेको संख्या १३ पुगेको छ ।

जिल्लाका विभिन्न स्थानीय तहमा गरी १३ जना घाइते भएको जिल्ला प्रहरी प्रमुख डीएसपी भरतबहादुर शाहले जानकारी दिए । उनीहरुको अवस्था सामान्य रहेको र स्थानीय स्वास्थ्य संस्थाहरुमा उपचार भइरहेको उनले बताए ।

भूकम्पका कारण जिल्लामा २० भन्दा बढी संरचना भत्किएका छन् ।

बझाङलाई केन्द्रविन्दु बनाएर मंगलबार दिउँसो २ बजेर ४० मिनेटमा ५.३ रेक्टर स्केलको भूकम्प गएको थियो

राष्ट्रिय भूकम्प मापन तथा अनुसन्धान केन्द्रका अनुसार ३ बजेर ४५ मिनेट र ४ बजेर २८ मिनेटमा ४.१ रेक्टर स्केलका तथा ४ बजेर ३१ मिनेटमा ४.३ रेक्टर स्केलको र बेलुकी ५ बजेर १९ मिनेटमा ५ रेक्टरको भूकम्प गएको छ ।