गौशला चक्कु प्रहार काण्ड : घाइतेको उपचार हुँदै, फरारलाई खोज्दै प्रहरी

काठमाडौं । काठमाडौंको गौशलामा एक व्यक्तिमाथि चक्कु प्रहार भएको छ ।

काठमाडौं महानगरपालिका–९ स्थित पिंगलास्थानमा सञ्चालित डाइग्नोस्टिक सेन्टरका सञ्चालकमाथि आक्रमण भएको हो ।

पिके डाइग्नोस्टिक सेन्टरका सञ्चालक साजन हुसेनका भाइ साविर हुसेनमाथि चक्कु प्रहार भएको महानगरीय प्रहरी बृत्त गौशलाका डिएसपी केशव थेवेले लोकपथलाई जानकारी दिए ।

उनका अनुसार चक्कु हान्ने व्यक्ति हालसम्म फरार रहेको र खोजीकार्य भइरहेको छ ।

‘चक्कु हान्ने व्यक्ति हालसम्म फरार रहेका छन् । उनको खोजीकार्य भइरहेको छ ।’ उनले भने ।

त्यस्तै सो ठाउँबाट कटुवा पेस्तोल र एक राउण्ड गोली फेला परेको उनले बताए ।

घाइते साविनको त्रिवि शिक्षण अस्पतालमा उपचार भइरहेको उनले बताए ।